चोरी र लागूऔषध मुद्दाका आरोपितहरुलाई साथी बनाएर लुँडो खेल्दै रवि लामिछाने

 काठमाडौं। पत्रकार सालिकराम पुडासैनीको आत्महत्या प्रकरणमा अनुसन्धानका लागि चितवन प्रहरीको हिरासतभित्र रहेका टेलिभिजन प्रस्तोता रवि लामिछाने साउन ३० गतेदेखि चितवन प्रहरीको हिरासतमा छन् ।

 हिरासतभित्र रवि के गरिरहेका छन् भन्ने धेरैको चासोको विषय हुन सक्छ । रवि आराम गर्नुका साथै कहिले पढ्ने त कहिले खेल्ने काममा व्यस्त छन् । भेटघाट गर्नका लागि आउनेहरुसँग भेटघाटबाहेकको समयमा रवि हिरासतमै रहेका अन्य थुनुवाहरुसँगै लुँडो खेलेर समय बिताइरहेका छन् ।

बयान लिन थालेपछि छुट्टाछुट्टै बसेका रवि र युवराज कंडेल बयान सकिएपछि पुनः एउटै कोठामा बस्न थालेका छन् । चोरी, लागूऔषध, सवारी ज्यान मुद्दाका आरोपितहरु उनीहरुसँगै रहेका छन्, जो उनीहरुका लुँडो खेल्ने साथी हुन् ।