कोरोनाविरुद्ध मलेशिया कठोर, विदेशीलाई प्रवेश र आफ्ना नागरिकलाई विदेश जानमा प्रतिबन्ध

काठमाडौं । विश्वभर प्रभाव पार्दै आइरहेको कोरोना भाइरसका कारण नेपाली कामदारहरुको प्रमुख गन्तव्यस्थल बनेको मलेसियाले पनि विदेशी नागरिक प्रवेशमा रोक लगाएको छ । कोरोना भाइरसको जोखिमलाई ध्यानमा राख्दै मलेसियाले बुधबारबाट लागू हुने गरी दुई साताका लागि सबै विदेशी नागरिकहरुको प्रवेशमा रोक लगाएको निर्णय गरेको हो ।

मलेशियाको यो निर्णयसँगै नेपाली कामदारहरुको गन्तव्यस्थल मलेशियामा पनि रोक लागेको हो । यसअघि नेपाली कामदारहरु जाने प्रमुख देशहरु कतार, साउदी, कुवेत लगायतका देशले विदेशी नागरिकको प्रवेश एवं हवाई तथा यातायात सेवाहरु बन्द गरेको घोषणा गरेका थिए ।

मलेसियाका प्रधानमन्त्री मुहिदिन यासिनले मार्च ३१ सम्म सबै देशका नागरिकलाई मलेसिया प्रवेश र आप्mना नागरिकहरुलाई देशबाहिर जान रोक लगाएको बताए। सोमबारसम्म मलेसियामा कोरोना संक्रमित संख्या ५५३ पुगेको छ।