चन्द्रमा-मंगल मिशनका लागि निर्मित अहिलेसम्मकै शक्तिशाली स्टारशिपको चौथो परीक्षण सफल
![](https://snowberry.prixacdn.net/media/gallery_folder/space-x.jpg_MagQnaurgK_geasc1bm86n4xxyza1ajcsi2olorjzrk4adhle53kylfmbrnqvlgo4q8rzmg_0uTv3CfhFG_fekhipxbm1xpf36l4eoloax2r0evj9nx4bwmwoiuaz55kpltwh3il1ro4v6h.jpg)
काठमाडौँ । चन्द्रमा-मंगल मिशनका लागि निर्मित विश्वको सबैभन्दा शक्तिशाली अन्तरिक्ष स्टारशिपको चौथो परीक्षण सफल भएको छ । टेक्सासबाट लन्च गरिएको यस स्टारशिपलाई अन्तरिक्षमा लिएर यसलाई पृथ्वीमा फिर्ता ल्याइयो र हिन्द महासागरमा सफल अवतरण गराइएको थियो ।यस पटकको परीक्षणको मुख्य लक्ष्य पृथ्वीको वायुमण्डलमा प्रवेश गर्दा स्टारशिप बाँच्न सक्छ कि सक्दैन भनेर हेर्नु थियो । स्टारशिप बनाउने कम्पनी स्पेसएक्सले सोसल मिडिया प्लेटफर्म एक्समा पानीमा सफल ल्यान्डिङ भएको जानकारी दिएको थियो । यो परीक्षण पछि, कम्पनीका मालिक एलन मस्कले धेरै प्रयासपछि स्टारशिपले समुद्रमा सामान्य अवतरण गर्नु ऐतिहासिक उपलब्धि भएको बताएका छन् ।
मस्कको कम्पनी स्पेसएक्सले यो रकेट बनाएको हो । स्टारशिप स्पेसक्राफ्ट र सुपर हेभी बूस्टरहरूलाई सामूहिक रूपमा 'स्टारशिप' भनिन्छ । यसको उचाइ ३ सय ९७ फिट रहेको छ । यो पूर्ण रूपमा पुन: प्रयोग योग्य रहेको छ र १५० मेट्रिक टन लोड बोक्न सक्षम छ । स्टारशिप प्रणालीलाई मंगल ग्रहमा एकै पटक १०० जनालाई लैजान सक्ने गरि बनाइएको छ ।यो स्टारसिपको चौथो परीक्षण हो । यस अघि गरिएका तीन परिक्षण विभिन्न कारणले असफल भएका थिए । यसको परिक्षण १ घण्टा ५ मिनेट ४८ सेकेन्ड सम्म गरिएको थियो ।यस परीक्षणमा, स्टारशिपलाई अन्तरिक्षमा लगियो, त्यसपछि पृथ्वीमा ल्याइयो र पानीमा अवतरण गरियो । यो पुन: प्रयोगयोग्य यातायात प्रणाली हो । स्टारसिपमा ६ र्याप्टर इन्जिन छन् भने सुपर हेभीमा ३३ र्याप्टर इन्जिन छन् ।यो प्रक्षेपण महत्त्वपूर्ण छ किनभने यो स्पेसशिपले मात्र मानिसलाई अन्तरग्रहीय बनाउनेछ । अर्थात् यसको सहयोगमा पहिलो पटक पृथ्वीबाहेक अन्य ग्रहमा मानवले पाइला टेक्नेछ ।
मस्कले सन् २०२९ सम्ममा मंगल ग्रहमा मानिस पठाउन र त्यहाँ उपनिवेश स्थापना गर्ने महत्वकांक्षी योजना अन्तर्गत यो परिक्षण गरिरहेका छन् । अन्तरिक्ष यानले एक घण्टाभन्दा कम समयमै मानिसलाई संसारको जुनसुकै कुनासम्म पुर्याउन पनि सक्षम हुनेछ ।मंगल ग्रहमा उपनिवेश स्थापना गर्नुपर्ने आवश्यकताबारे मस्क भन्छन्- 'पृथ्वीमा जीवन समाप्त हुने घटनाले मानवताको अन्त्य निम्त्याउन सक्छ, तर यदि हामीले मंगल ग्रहमा आफ्नो आधार बनायौं भने मानवता त्यहाँ बाँच्न सक्छ ।' लाखौं वर्ष पहिले डायनासोरको पनि जीवन समाप्त हुने घटनाका कारण पृथ्वीमा मृत्यु भएको थियो । यसैबीच, प्रोफेसर स्टीफन हकिङले पनि २०१७ मा भनेका थिए कि यदि मानिस बाँच्न चाहन्छ भने १०० वर्षभित्र विस्तार गर्नुपर्नेछ ।यो मिसन सफल हुनको लागि यो पनि महत्त्वपूर्ण छ किनभने स्टारशिप स्पेसक्राफ्ट नासाको आर्टेमिस कार्यक्रमको हिस्सा हो । यसबाट मानिस ५ दशकपछि चन्द्रमामा फर्किनेछन् । स्टारशिपले चन्द्रमाको मिशनको अन्तिम चरण पूरा गर्नेछ । अन्तरिक्ष यानमार्फत अन्तरिक्ष यात्रीहरूलाई चन्द्रमाको कक्षमा लैजाने र चन्द्रमामा पनि अवतरण गर्नेछ ।
![चन्द्रमा मिशनमा चीनलाई ठुलो सफलता, दुई किलो माटो पृथ्वीमा ल्याउन सफल](https://snowberry.prixacdn.net/media/gallery_folder/moon.jpg_xHKUd9ptLf_6s9izwqolmdi8drjyms5rkexwhxg8mqdm0lc0xezyf3emqnwymq3cycsrdyl_fnsQoybJ5Y_jfo5zzinrmp0xmac7wjmls6igbmxd8mvye1c5ikts2jten11mof3l5s2zibq.jpg)
चन्द्रमा मिशनमा चीनलाई ठुलो सफलता, दुई किलो माटो पृथ्वीमा ल्याउन सफल
![एनभिडिया संसारको सबैभन्दा मूल्यवान कम्पनी बन्यो](https://snowberry.prixacdn.net/media/gallery_folder/NVIDIA.jpg_U8Ma9kE9zu_czi6x9sff7dezges6ebeu3frqkucjbvjjd4yhn7x8lnx30dmu5mdm6jvorp5_ku5zRcTjBT_4mbirr8n40cye8lo4zb6s82weuxatx9b8r8dtrzwuxiqknsqi5qulrhxc9sy.jpg)
एनभिडिया संसारको सबैभन्दा मूल्यवान कम्पनी बन्यो
![चीनको चन्द्रमा मिशन: २ किलो माटो लिएर फर्किदै चाङइ–६](https://snowberry.prixacdn.net/media/gallery_folder/1000028304_bXu5qldCQP_ej7lhyjdicul9bj6ffn2096vfsp2hav4icfhjrhbolmx6mdh4p9zqktoz1ia_eZNukZm7Wx_j0vvmwyvsoool0pixbdm4jspfofilj5vzemmgajsjegoqpmisrmme5lowczo.jpg)
चीनको चन्द्रमा मिशन: २ किलो माटो लिएर फर्किदै चाङइ–६
![मानवरहित चिनिया अन्तरिक्ष यान चन्द्रमामा अवतरण](https://snowberry.prixacdn.net/media/gallery_folder/Lunar.jpg_KpuYSuGc8J_n6ev15rrljnb9qnolgevk7cttx1pw2pdqld27tpt9bpfamrbvsflzmisubge_1xa6CX9ox4_lp4vo2o6hokwx5p8k2w6wq6k6g1kahysdkv6hmejgcogj81riu3tqdt9yatd.jpg)
मानवरहित चिनिया अन्तरिक्ष यान चन्द्रमामा अवतरण
![कस्तो छ आजको मौसम पुर्वानुमान ?](https://snowberry.prixacdn.net/media/gallery_folder/mausam_PVFmUPK7xB_EbvU8ICMaQ_euOg8w4nqr_bo2jqkwdgrhugrrayx6wuft01ebzaundfqyuk5o8qokmnmziuch1waglz8pv_3LqjaJmkFQ_pxwp025xuj5ms5kcaho7zgsvirzezpzpwifxi946jhmwpdu6rzthb5aws0xs.jpg)
कस्तो छ आजको मौसम पुर्वानुमान ?
![माइक्रोसफ्टलाई पेटेन्ट प्रकरणमा अदालतको झट्का, २४० मिलियन डलर तिर्न आदेश](https://snowberry.prixacdn.net/media/gallery_folder/Microsoft.jpg_Rbpi17B1Ci_vvylqblnfopssiefkrz7eetxsyarhzarfu6zs0a4q1opv2hqwd348uman8hn_lhsfO9wQ9a_h3ykmqr0neshcxxsqiawj2ifyznhzqwtkzln5v6cs2w2twuqk8mijcevx4sv.jpg)
माइक्रोसफ्टलाई पेटेन्ट प्रकरणमा अदालतको झट्का, २४० मिलियन डलर तिर्न आदेश
![कस्तो छ आज मौसम पूर्वानुमान ?](https://snowberry.prixacdn.net/media/gallery_folder/images_FgsGEQn3qC_8tbrkdts8hdu9gw5rkscoke8jzltjwlznferelriwkqcnc19lsh4g6h5zqlo_zjr1VVbgGh_oooufzrc0an8dg3jqo1oblbk98ol1dxrgit6cmnb9vwgn3q5fzgfbimenlxc.jpeg)
कस्तो छ आज मौसम पूर्वानुमान ?
![कस्तो छ आजको मौसम पूर्वानुमान ?](https://snowberry.prixacdn.net/media/gallery_folder/images_bfYSPzQXuG_6b2qkfv23szgjr9hbprt9utl8e76h9utousr0j4o7itn6qftovyqun36jbzl_vOpIIwsyCz_wek3v946nwwzgdmgscmykjrgo2foeeoiliphaobwubzzq5yi6q4dfrgebcvu.jpeg)
प्रतिक्रिया