कुमुदिनी कुञ्ज माविका विद्यार्थीहरूले अवलोकन गरे चन्द्रागिरी थ्री डी म्युजियम

कुमुदिनी कुञ्ज माध्यमिक विद्यालयका शिक्षक तथा विद्यार्थीहरुले चन्द्रागिरी थ्री डी म्युजियम पार्कको अवलोकन भ्रमण गरेका छन् ।

 

 यस स्कुलका शिक्षक तथा विद्यार्थीहरूले चन्द्रागिरी नगरपालिकामा रहेको चन्द्रागिरी थ्री डी आर्ट म्युजियम र थानकोट पार्कको शैक्षिक भ्रमण गरेका हुन् । 

 

विद्यालयको कक्षा ३ का ४३ जना विद्यार्थी सहितको टोलीले म्युजियम अवलोकन गरेको हो । विद्यार्थीहरुसँग शिक्षिकाद्वय मिरा ज्ञवाली र बिमला बुर्लाकोटी तथा शिक्षक श्रीजेश थापा सहभागी थिए । 

 

 अवलोकन पश्चात् ज्ञवालीले म्युजियम निकै मनोरञ्जनात्मक रहेको र शैक्षिक भ्रमण निकै रमाइलो भएको प्रतिक्रिया दिइन् । 

 

थ्री डी आर्ट म्युजियममा उनीहरूले बिशेष रुपमा मनोरन्जन एबम् ज्ञानका लागि तयार पारिएका चित्रकलाका बारेमा जानकारी समेत लिएका थिए ।