चन्द्रागिरीका विद्यालयहरूमा यौनजन्य हिंशा विरुद्धको सचेतना

चन्द्रागिरी नगरपालिकाको विभिन्न विद्यालयमा बालबालिकाहरूका लागि यौनजन्य हिंसाको विरुद्धमा सचेतना कक्षा सञ्चालन गरिएको छ ।  

बालबालिकाको क्षेत्रमा काम गर्दै आइरहेको संस्था सिविन नेपाल र साथी शिक्षकको सकृयतामा विद्यालयमा हुने दूर्व्यवहार, योनजन्य हिंशा लगायतलाई रोक्नका लागि कक्षाहरु सञ्चालन गरिएको हो । 

 

सिर्जना तामाङ, निर्भिका रिजाल, अफ्सना खातुन र सुपृया दानिको सकृयतामा कक्षाहरु चन्द्रागिरी नगरपालिकाका विभिन्न विद्यालयमाहरुमा सञ्चालन गर्दै आइरहेको छ । 

 

जसअन्तर्गत विद्यार्थीहरूलाई घर तथा विद्यालयमा हुने हिंशा वा दूर्व्यवहार, नराम्रो नियतले छुनु, लिंग र लैंगिकता तथा महिनावारी शिक्षा लगायतका विषयमा सचेतना दिइएको तामाङले जानकारी दिइन् । 

विद्यालयमा शिक्षकले नै छात्रछात्रालाई गलत नजरले हेर्ने, हिंशा गर्ने जस्ता घटना भइरहेको सन्दर्भमा त्यसलाई न्यूनीकरणका लागि यस्तो कार्यक्रम आयोजना गरिएको हो,’ उनले बताइन् ।  

 

तामाङका अनुसार यस संस्थाले मंगलदय मा.वि., कर्म बुद्धिस्ट सेन्टर र विष्णुदेवी स्कुलमा कक्षाहरु सञ्चालन गरिसकेको छ । 

 

चन्द्रागिरी नगरपालिका भित्रका विद्यालयहरूमा ६ देखि १० कक्षासम्म अध्ययन गर्ने विद्यार्थीहरूलाई सचेतना दिइएको उनले बताइन् । 

 

अब अन्य विद्यालयहरूमा पनि यस्तो कक्षा सञ्चालन गरिने उनको भनाइ छ । साथी शिक्षक तामाङले विभिन्न तालिमबाट दक्ष भएका तथा आधिकारिकता पाइरहेका साथी शिक्षकहरुले कक्षाहरु नगरपालिका र विद्ध्यालयहरुको समन्वयमा संचालन गरिरहेको समेत बताइन् ।