मिलन शाक्य महालक्ष्मी नगर प्याब्सनको अध्यक्ष निर्वाचित

 

काठमार्डौ । 
निजी तथा आवासीय बिघालय अर्गनाइजेशन नेपाल (प्याबसन) महालक्ष्मी नगर कार्यसमितिको तेस्रो अधिवेशनले  मिलन शाक्यको नेतृत्वमा ६ सदस्यीय कार्यसमिति  चयन गरेको छ ।

चिल्ड्रेन गार्डेन एकेडेमीका प्रिन्सिपल  शाक्य नगर अन्र्तगतको निजी तथा बोर्डिङ स्कुल संगठन (प्याब्सन) को नयाँ अध्यक्षमा निर्वाचित भएका हन्। 

आइतबार ललितपुरमा सम्पन्न तेस्रो अधिवेशन कार्यक्रम समारोहमा प्याव्सनमा केन्द्रीय उपाध्यक्ष इश्वर वहादुर गुरूङको प्रमुख आतिथ्यतामा र प्याव्सन केन्द्रकै उपाअध्यक्ष नवराज महत,ललितपुर जिल्ला कार्यसमितिका अध्यक्ष निरज महर्जन,गोदावरी र महानगर प्याव्सनका वर्तमान तथा पूर्व अध्यक्षहरू लगाएत जिल्लाका सबै पदाधिकारी र सदस्यहरूको उपस्थिति रहेको थियो। यस्तै शिक्षक महासंघका अध्यक्ष मिनवहादुर अछामी,पानका जिल्ला अध्यक्ष प्रेमपति जोशीको पनि सहभागिता रहेको थियो।

विजयी भएपछि अध्यक्ष शाक्यले संगठनलाई थप सक्रिय र प्रभावकारी बनाउँदै शैक्षिक क्षेत्रमा नयाँ आयाम थप्नका लागि आफू प्रतिबद्ध रहेको बताए । नगरभित्रका अभिभावक, शिक्षक र विद्यार्थीहरूको चासोलाई प्राथमिकतामा राखेर योजना बनाइने उनले बताए।