रिब्स स्कूलका शिक्षक तथा विद्यार्थीहरू चन्द्रागिरी थ्री डी म्युजियम भ्रमणमा

काठमाडौ ।
रोडोडेन्ड्रन इन्टरनेशनल बोर्डिङ (रिब्स)  स्कूलका शिक्षक तथा विद्यार्थीहरुले चन्द्रागिरी थ्री डी म्युजियमको अवलोकन भ्रमण गरेका छन् ।

विद्यालयमा अध्ययनरत कक्षा ३ का विद्यार्थीहरू तथा शिक्षकहरूले आइतबार चन्द्रागिरी नगरपालिकामा रहेको चन्द्रागिरी थ्री डी आर्ट म्युजियमको शैक्षिक भ्रमण गरेका हुन् । 

शिक्षीका शोभा बस्नेतको नेतृत्वमा म्युजियम अवलोकनमा गएको टोलिमा विद्यार्थीहरूका साथै शिक्षकहरू शुव पौडेल शोभा पराजुली, रुपा सुब्बा, शोभा बस्नेत, मन्जु अर्याल, शर्मिला लामा र प्रविन खवास सहभागी थिए । 

अवलोकन पश्चात् शिक्षीका बस्नेतले म्युजियममा विद्यार्थीहरूले थ्रीडी आर्टहरूसँग धेरै नै रमाइलो लिएको बताए । उनले विद्यार्थीहरूले हनुमान, बुद्ध भगवानको आर्ट देखेर पनि धेरै कुरा सिक्न पाएको बताए । साथै समुद्री जनावरहरूलाई वास्तविक जस्तो महशुस गर्न पाउनु निकै सुखद् अनुभूति भएको बताए ।