उपराष्ट्रपतिमा आफ्नो मतबारे टुंगो लगाउँदै रास्वपा

काठमाडौं ।
राष्ट्रिय स्वतन्त्र पार्टी (रास्वपा) ले पार्टीको पदाधिकारी र संसदीय दलको संयुक्त बैठक बोलाएको छ । उपराष्ट्रपतिको निर्वाचनमा कसलाई मतदान गर्नेबारे निर्णय गर्नका लागि बैठक बोलाइएको प्रवक्ता मुकुल ढकालले जनाए । रास्वपाले यसअघि राष्ट्रपति चुनावमा पनि मतदानकै दिन बैठक बसेर सत्ता गठबन्धनलाई साथ दिएको थियो ।

शुक्रबार बिहान साढे ११ बजे पार्टी कार्यालयमा बैठक बस्ने प्रवक्ता मुकुल ढकालले बताए । प्रतिनिधिसभामा प्रत्यक्ष र समानुपातिक गरी रास्वपाका १९ सांसद छन् । बैठकमा पछिल्ला समसायिमक राजनीतिक घटनाक्रमबारे पनि छलफल हुने बताइएको छ ।

उपराष्ट्रपतिको निर्वाचन आज हुँदैछ । सत्ता गठबन्धनबाट रामसहाय यादव र ममता झा उम्मेदवार छन् । तर, झालाई उम्मेदवारी निष्क्रिय गराउन गठबन्धनमा प्रयास जारी छ ।

त्यस्तै प्रमिला यादव पनि उम्मेदवार रहे पनि उनले रामसहाय यादवलाई समर्थन गर्दै आफूले उम्मेदवारी निस्क्रिय गराएको बताइसकेकी छिन् । एमालेबाट अष्टलक्ष्मी शाक्य उम्मेदवार छिन् ।