चीनमा कोरोना संक्रमित ७६ हजार निको , अब २ हजार जनामा मात्रै स‌ंक्रमण

 

काठमाडौं।
गत डिसेम्बरको अन्तिम सातातिर चीनको वुहान शहरमा पहिलोपटक देखापरेको कोरोना भाइरसको संक्रमण चीनमा कम हुँदै गएको छ । भाइरसको उद्गमस्थल चीनमा पछिल्लो केही दिन यता नयाँ संक्रमणका घटना देखिएका छैनन् । संक्रमितहरुको निको हुने दर पनि उच्च रहेको छ । चीनमा हालसम्म कोरोनाका कारण ३ हजार ३१२ जनाले ज्यान गुमाएका छन् ।

चीनमा अहिलेसम्म कुल ८१ हजार ५५४ जनामा कोरोना भाइरसको संक्रमण देखा परेकोमा ७६ हजार २३८ जना भने पूर्ण रूपमा निको भइसकेको जनाइएको छ । अब २ हजार ४ जनामा मात्रै कोरोनाको संक्रमण रहेको जनाइएको छ । ती मध्ये गम्भीर केस भने ४६६ जनामा रहेको छ ।

विश्वका सबै देशमा फैलिसकेको बेला चीनमा भने यसको महामारी नियन्त्रणमा रहेको बताइएको छ ।