कोरोना कष्टः भारतमा मृत्यु हुनेको संख्या हजार नाघ्यो, ३१ हजार बढी संक्रमित

काठमाडौं । कोरोना भाइरसको संक्रमणका मृत्यु हुनेको संख्या भारतमा एक हजार नाघेको छ । पछिल्लो समय अन्य अमेरिकी र युरोपेली मुलुकमा नियन्त्रणतर्फ उन्मुख भइरहेका बेला नेपालको छिमेकी मुलुक भारतमा भने कोरोनाले महामारीको रुप लिँदै गइरहेको छ । 

हालसम्म भारतमा ३१ हजार ३ स २४ संक्रमित देखिएका छन् भने गत १ हजार ८ जनाले ज्यान गुमाइसकेका छन् । पछिल्लो २४ घन्टामा १ हजार ८ सय ७३ नयाँ संक्रमित देखिएको भारतमा ६९ जनाको मृत्यु भएको छ ।

हालसम्म विश्वभर संक्रमितको संख्या ३१ लाख ३६ हजार ५ सय ८ जना संक्रमित पुगेका छन् । जसमध्ये सबैभन्दा धेरै अमेरिकामा पुगेको छ । अमेरिकामा १० लाख ३५ हजार ७ सय ६५ जना संक्रमित भएका छन् ।

त्यस्तै हालसम्म २ लाख १७ हजार ८ सय १३ जनाको मृत्यु भएको छ । र मृतकमा पनि सबैभन्दा धेरै अमेरिकामा नै पुगेको छ । अमेरिकामा मृत्यु हुनेको संख्या दोस्रो स्थानमा रहेको इटालीभन्दा दुईगुना भन्दा धेरै पुगेको छ । अमेरिकामा हालसम्म ५९ हजार २ सय ६६ पुगेको छ भने इटालीमा २७ हजार ३ सय ५९ पुगेको छ ।