शनिबार थप १८९ जनामा संक्रमण पुष्टी, देशभर संक्रमितको संख्या १४०१

 

काठमाडौं । नेपालमा शनिबार थप १८९ जनामा कोरोना भाइरसको संक्रमण पुष्टि भएको छ। यससँगै हालसम्म संक्रमितको संख्या १४०१ पुगेको छ ।

शुक्रबार विभिन्न प्रयोगशालामा गरिएको परीक्षणमा थप १८९ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले आयोजना गर्दै आएको कोरोना अपडेटमा प्रवक्ता डा. विकास देवकोटाले जानकारी दिए।

अहिले तत्कालको अवस्थामा १ लाख १० हजार क्वारेन्टाइनमा रहेको पनि देवकोटाले जनाए ।

पछिल्लो तथ्यांकमा कुल १३ जना डिस्चार्ज पुगेका छन् । हालसम्म संक्रमितमध्ये जम्मा २१९ जना निको भएर अस्पतालबाट डिस्चार्ज भएका छन्। १७२ जना पुरूष र ४७ जना महिला कोरोना मुक्त भएको  देवकाेटाले जनाए । हालसम्म ६ जनाको कोरोनाबाट मृत्यु भएको छ।