विपत्तिमा विश्वविजेताः २० लाख बढी संक्रमित, १ लाख १२ हजार भन्दा बढीको मृत्यु

 

काठमाडौं । कोरोना भाइरसका कारण अमेरिकामा संक्रमित हुनेको संख्या २० लाख नाघेको छ ।

पछिल्लो तथ्यांकअनुसार अमेरिकामा २० लाख ७ हजार ४ सय ४९ जना संक्रमित देखिएका छन् भने १ लाख १२ हजार ४ सय ६९ जनाको मृत्यु भएको छ । पछिल्लो २४ घन्टामा अमेरिकामा ३ सय ६९ जनाको मृत्यु भएको छ,, जुन संख्या विगत २ महिना यताकै न्यून मृत्यु संख्या रहेको छ ।

त्यस्तै अमेरिका पछि ब्राजिलमा संक्रमितको संख्या ६ लाख ९१ हजार ९ सय ६२ पुगेको छ भने मृतकको संख्या ३६ हजार ४ सय ९९ पुगेको छ ।

त्यस्तै भारतमा मृतकको संख्या ७ हजार नाघेको छ । भारतमा हालसम्म २ लाख ५७ हजार ५ सय ६ संक्रमित देखिएका छन् भने ७ हजार २ सय ७ जनाको मृत्यु भएको छ ।

हालसम्म विश्वभर ७० लाख ८१ हजार ८ सय ११ जनामा संक्रमण देखिएको छ भने ४ लाख ५ हजार ७४ जनाको मृत्यु भएको छ भने ३४ लाख ५५ हजार ९९ जना उपचारपछि निको भएका छन् ।