थप २५० मा कोरोना संक्रमण, ४६१५ पुगे देशभर संक्रमित संख्या

काठमाडौं । नेपालमा बिहीबार थप २५० जनामा कोरोना भाइरसको संक्रमण पुष्टि भएको छ । यससँगै नेपालभर ४ हजार ६ सय १५ जना संक्रमित पुगेका छन् ।

बिहीबार विभिन्न प्रयोगशालामा गरिएको परीक्षणमा थप २५० जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले आयोजना गर्दै आएको कोरोना अपडेटमा प्रवक्ता डा. जागेश्वर गौतमले जानकारी दिए ।

हालसम्म कोरोना संक्रमण मुक्त भइ डिस्चार्ज हुनेमा ८६१ जना रहेका छन्  ।