एकै दिन देखिएको संक्रमित संख्यामा रेकर्ड, ब्राजिलमा एकैदिन ५५ हजारमा संक्रमण

 

काठमाडौं । गत २४ घन्टामा विश्वभर कोरोना भाइरसको संक्रमण हुनेको संख्या अहिलेसम्मकै उच्च रहेको छ ।

पछिल्लो तथ्यांकअनुसार गत २४ घन्टामा १ लाख ८१ हजार ५ जनामा कोरोना संक्रमणदेखिएसँगै विश्वभर संक्रमितको संख्या ८७ लाख ५० हजार ९ सय ९० पुगेको छ ।

सबैभन्दा धेरै संक्रमित ब्राजिलमा पुगेका छन् । ब्राजिलमा एकै दिन ५५ हजार भन्दा बढी मानिसमा संक्रमण देखिएको छ ।

गत २४ घन्टामा ब्राजिलमा ५५ हजार २ सय ९ जनामा संक्रमण देखिएको छ । त्यस्तै अमेरिकामा पनि पछिल्ला केहीदिन यताकै उच्च संख्यामा संक्रमित देखिएका छन् ।

अमेरिकामा ३३ लाख ५ सय ५९ जनामा संक्रमण देखिएको छ ।

त्यस्तै मृत्यु हुनेको संख्या विश्वभर ४ लाख ६१ हजार ८ सय २० पुगेकोछ ।

ती मध्ये अमेरिकामा १ लाख २१ हजार ४ सय ७ छन् भने त्यसपछि ब्राजिलमा ४९ हजार ९० जना पुगेका छन् । गत २४ घन्टामा अमेरिकामा ७ सय १९ जनाको मृत्यु भएको छ भने ब्राजिलमा १ हजार २ सय २१ जनाको मृत्यु भएको छ ।