छिमेकीको नियतिः भारतमा एकै दिन १४ हजार भन्दा बढीमा संक्रमण, जम्मा संक्रमित संख्या ४ लाख नजिक

काठमाडौं । भारतमा २४ घन्टामा अहिलेसम्मकै धेरै संक्रमण देखिएका छन् । पछिल्लो तथ्यांकअनुसार १४ हजार ७ सय २१ जनामा संक्रमण देखिएसँगै भारतमा संक्रमितको संख्या ४ लाख नजिक पुगेको छ । हालसम्म भारतमा ३ लाख ९५ हजार ८ सय १२ जनामा संक्रमण देखिएको छ भने १२ हजार ९ सय ७० जनाको मृत्यु भइसकेको छ ।

गत २४ घन्टामा विश्वभर कोरोना भाइरसको संक्रमण हुनेको संख्या अहिलेसम्मकै उच्च रहेको छ । पछिल्लो तथ्यांकअनुसार गत २४ घन्टामा १ लाख ८१ हजार ५ जनामा कोरोना संक्रमणदेखिएसँगै विश्वभर संक्रमितको संख्या ८७ लाख ५० हजार ९ सय ९० पुगेको छ ।

सबैभन्दा धेरै संक्रमित ब्राजिलमा पुगेका छन् । ब्राजिलमा एकै दिन ५५ हजार भन्दा बढी मानिसमा संक्रमण देखिएको छ ।

गत २४ घन्टामा ब्राजिलमा ५५ हजार २ सय ९ जनामा संक्रमण देखिएको छ । त्यस्तै अमेरिकामा पनि पछिल्ला केहीदिन यताकै उच्च संख्यामा संक्रमित देखिएका छन् । अमेरिकामा ३३ लाख ५ सय ५९ जनामा संक्रमण देखिएको छ ।

त्यस्तै मृत्यु हुनेको संख्या विश्वभर ४ लाख ६१ हजार ८ सय २० पुगेकोछ । गत २४ घन्टामा विश्वभर मृत्यु हुनेको संख्या ५ हजार ६६ त्यस्तै हालसम्म कोरोनाबाट निको भइ फर्कनेको संख्या ४६ लाख २४ हजार ७ सय ५६ पुगेकोछ ।