नेपालमा थप १५० मा कोरोना संक्रमण, एकैदिन ६ सय ९ जना कोरोना मुक्त

 

काठमाडौं । पछिल्लो २४ घण्टामा नेपालमा थप १५० जनामा कोरोना संक्रमण पुष्टि भएको छ । यससँगै अहिलेसम्म देशभर संक्रमित हुनेको जम्मा संख्या १७ हजार ९ सय ९४ जना पुगेको छ ।  

आजको दिनमा देशभर कोरोना संक्रमित सक्रियको संख्या ५ हजार ४ हजार ७७ जना रहेको जनाएका छन् ।

पछिल्लो २४ घन्टामा देशभरका २७ परिक्षण केन्द्रमा गरिएको पीसीआर परीक्षणमा ३ हजार ९ सय ६३ जनाको परिक्षण गरिएको छ ।

स्वास्थ्य तथा जनसंख्या मन्त्रालयको नियमित कोरोना अपडेटमा मन्त्रालयका प्रवक्ता प्रा. डा. जागेश्वर गौतमले दिएको जानकारी अनुसार थप १५० जनामा कोरोना संक्रमण पुष्टि भएको हो ।

कोरोना संक्रमणमुक्त भई २४ घन्टामा डिस्चार्ज हुने ६०९ सहित हालसम्म डिस्चार्ज हुनेको संख्या १२ हजार ४ सय ७७ पुगेको छ ।

नेपालमा अहिलेसम्म कोरोना भाइरस संक्रमणका कारण ४० जनाको मृत्यु भएको छ ।