आज उपत्यकाका यी ठाउँमा जाँदैछ दिनभर बत्ती

 

काठमाडौं । नेपाल विद्युत प्राधिकरणले आज काठमाडौंका विभिन्न ठाउँमा दिनभर विद्युत आपूर्ति बन्द हुने बताएको छ। प्राधिकरणले कुलेश्वर वितरण केन्द्र अन्तर्गत विद्युत लाइन मर्मत तथा रुखको हाँगाविगा काट्नका लागि दिनभर विद्युत आपूर्ति बन्द हुने जनाएको हो।

स्यूचाटार–स्वयम्भु फिडर अन्तर्गत बाफल पुल, सोल्टी दोबाटो, बुढाथोकी कोल्ड स्टोर, मुसलवान टोल, सिभिल होम्स, टौखेल, सीतापाइला, त्रिशक्ति केवल, ज्योति एकेडमी, शुभेच्छा हस्पिटल, गोल्छा, शरणपुर, रानीपाटी, छकडोल लगायतका क्षेत्रमा विद्युत आपूर्ति बन्द हुने छ।

त्यस्तै, सीता होम्स, थापाचोक, आदेश्वर मन्दिर, इच‌ंगुनारायण मन्दिर, ह्वाइट गुम्बा, हरिसिद्धि, पदमा कोलोनी, फस्कु, सीताराम स्कुल, सुर्ती कारखाना, रामकोट, भीमढुँगा, नर्सरी भन्ज्याङ, खड्का गाउँ, खत्री गाउँ, छत्रे देउराली लगायातका स्थानहरुमा पनि विद्युत आपूर्ति बन्द हुने प्राधिकरणले जनाएको छ।

बिहान ११ बजे देखि बेलुका ५ बजे सम्म विद्युत आपूर्ति बन्द हुने छ। निर्धारित समय भन्दा अघिनै काम सम्पन्न भएमा काम सकिएलगत्तै विद्युत आपूर्ति गरिने प्राधिकरणकी सूचना अधिकारी लीला अर्यालले जानकारी दिइन्।