विराटनगर न्यूरो अस्पतालमा २ संक्रमितको मृत्यु

विराटनगर । विराटनगरको न्युरो अस्पतालले सञ्चालन गरेको कोभिड—१९ अस्पतालमा दुईजना कोरोना संक्रमितको मृत्यु भएको छ ।

मंगलबार बिहान विराटनगरका एक जना र धरानका एक जना पुरुषको मृत्यु भएको जनाइएको छ ।

उनीहरुको मृत्यु २० मिनेटको अन्तरमा भएको अस्पताल स्रोतले जनाएको छ । मंगलबार बिहान ३ः३० बजे धरानका पुरुष र ३ः५० मा विराटनगरको पुरुषको मृत्यु भएको जनाइएको छ ।