मेसीलाई बार्साका फ्यानको यो कस्तो उपहार ?

काठमाडौं : बार्सिलोना समर्थकहरुले आफ्नो स्टार स्ट्राइकर लिओनल मेसीलाई उपहार दिएका छन् । समर्थकको उपहारले मेसी भावुक बनेका थिए ।  दुई दिनअघि ‘अल क्लासिको’ भिडन्तमा रियल म्याड्रिडलाई उसैको मैदानमा हराउन २ गोल गरेका मेसीलाई उनको नयाँ उपलब्धीका लागि बधाई दिन राती ६३ हजार दर्शक क्याम्प नोउमा उपस्थित भएका थिए। उनीहरुले रियललाई २ गोल गर्दै बार्सिलोनाबाट ५ सय गोल पुरा गर्ने नयाँ कीर्तिमान बनाएका आफ्ना स्टार स्ट्राइकरलाई अनौठो किसिमले धन्यवाद ज्ञापन गरे। प्याराफिट नै ढाक्ने ठूलो कपडाको होडिङमा ‘ग्रासियस (ग्रेट) लिओ, ५०० गोल’ लेखेर प्रदर्शन गरिएको थियो। यस्तै, रियलको मैदानमा मेसीले प्रदर्शन गरेको आफ्नो १० नम्बर जर्सी जस्तै प्याराफिटमा बसेका उनका समर्थकले उनको १० नम्बर जर्सी प्रदर्शन गरेका थिए। ३० वर्ष पुग्नुअघि नै यति ठूलो उपलब्धी हात पारेका मेसी आफूलाई दिएको यो सम्मानबाट केही भावुक बनेका थिए।