कम जोखिम भएका देशका नागरिकहरुलाई थाइल्याण्डले यात्रा अनुमति दिने

थाइल्याण्डले कम जोखिम भएका देशहरुलाई यात्राको अनुमति दिने भएको छ । १ नोभेम्बरदेखि कोरोना भाइरसको महामारी कम भएका १० देशको प्रतिबन्ध हटाउन लागेको हो । पूर्ण रुपमा खोप लगाएका यात्रुहरुलाई क्वारेन्टाइन बस्न नपर्ने गरी थाइल्याण्डले यात्राको अनुमति दिन लागेको बीबीसीले जनाएकोछ ।

सोमबार क्वारेन्टाइन बस्न नपर्ने गरी खोप लगाएका विदेशी आगन्तुकहरुलाई स्वागत गर्ने प्रधानमन्त्री प्रयुथ चान–ओचा बताएका हुन् । कम जोखिम ठानिएका बेलायत, चीन, जर्मनी र अमेरिका रहेका छन् । थप देशको सूची अक्टोबरको अन्त्यसम्म उपलब्ध हुने उल्लेख छ ।

यद्यपि सूची बाहिरका देशहरुबाट समेत आगन्तुकहरु थाइल्याण्ड भ्रमण गर्न पाउनेछन् । तर उनीहरुले क्वारेन्टाइन बस्नुपर्ने छ । प्रयुथले थाइल्याण्डले १ डिसेम्बरमा मनोरञ्जन स्थलहरु पुनः खोल्ने र अल्कोहल बिक्री गर्नसमेत अनुमति दिने बताएका छन् ।

जनस्वास्थ्य मन्त्रालयले थाईल्याण्डको कोभिड १९ नीति निर्माण प्रशासन प्रयुथको अनुरोधमा कसरी सम्बोधन गर्ने भन्नेबारे विचार गर्ने जनाइएको छ ।