विश्वकप हेर्ने परिचय पत्र र भिसा एउटै

काठमाडौं : सन् २०१८ मा रसियामा हुने विश्वकप फुटबल हेर्न विशेष परिचय पत्र बन्ने भएको छ । समर्थकहरुले विशेष परिचय पत्र बोकेरमात्र खेल मैदान प्रवेश गर्न पाउने छन् । उक्त परिचय पत्र रुस जाने भिसाका रुपमा निर्माण हुने पनि जनाइएको छ । युरो २०१६ मा बेलायती र रसियन फुटबल समर्थकबीच मार्सेलिएमा झडप भएको विषयलाई लिएर रसियाले यस्तो निर्णय गरेको अन्तर्राष्ट्रिय सञ्चार माध्यमहरुले जनाएका छन् । अबको विश्वकपका लागि रुसले विशेष परिचय पत्रको व्यवस्था गर्न लागेको बीबीसीले जनाएको छ ।