श्रीमतीलाई एसिड प्रहार गर्ने ६५ वर्षीय गुभाजु पक्राउ

काठमाडौं । भक्तपुरको सूर्यविनायकका एक वृद्धले आफ्नी पत्नीलाई एसिड प्रहार गरेका छन्।

सूर्यविनायक–४ गाम्छाका ६५ वर्षीय श्याम गुभाजुले आफ्नी ६० वर्षीया पत्नी पूजा गुभाजुलाई आइतबार साँझ एसिड प्रहार गरेको महानगरीय प्रहरी परिसर भक्तपुरले जनाएको छ।

एसिड प्रहारबाट पूजा गम्भीर घाइते भएकी छन्। उनलाई उपचारको लागि तत्कालै किर्तिपुर अस्पताल लगिएको परिसका डीएसपी राजु पाण्डेले जानकारी दिए।

घाइते पूजाको अवस्था गम्भीर रहेको प्रहरीले जनाएको छ ।

घटनामा संलग्न श्याम गुभाजुलाई प्रहरीले पक्राउ गरेको छ। घरायसी विवादमा श्यामले पत्नीलाई एसिड छ्यापेका आफन्तले बताएका छन्।