सिन्धुपाल्चोक कांग्रेस सभापतिमा लामा निर्वाचित

सिन्धुपाल्चोक । नेपाली कांग्रेसको सिन्धुपाल्चोक जिल्ला सभापतिमा मोहन बस्नेत निकटका जंगबहादुर लामा निर्वाचित भएका छन्।

दोस्रो चरणको मतदानबाट लामाले संस्थापनइतरका उम्मेदवार बंशलाल तामाङलाई पराजित गरेका हुन् । जम्मा १७८७ मत खसेकोमा विजयी भएका लामाले ९१२ मत ल्याए।उनका प्रतिस्पर्धी तामाङले ८४८ मत पाए ।

पहिलो चरणको मतदानमा डा. प्रेमध्वज लामा तेस्रो स्थानको मत ल्याई निर्वाचनबाट बाहिरिएका थिए। उनी पनि संस्थापन पक्षकै उम्मेदवार थिए ।

सभापतिका तीन उम्मेदवारले पहिलो चरणको मतदानमा ५० प्रतिशत मत कटाउन नसकेपछि आइतबार दोस्रो चरणको मतदान भएको थियो।