शहीद स्मारक ए डिभिजन लिग : आज तीन खेल हुँदै

काठमाडौं ।
शहीद स्मारक ए डिभिजन लिग फुटबलमा २०७९ फागुन २७ गते शनिबार तीन खेल हुँदैछ । तेस्रो चरणअन्तर्गत फागुन २७ गते शनिबार च्यासल रंगशालामा एउटा र दशरथ रंगाशालामा दुईवटा गरी तीनवटा खेल हुन लागेको हो ।

फागुन २७ गते दिउँसो साँढे २ बजे च्यासलमा हुने खेलमा नेपाल पुलिस र संकट क्लबबीच प्रतिस्पर्धा हुनेछ भने साँढे २ बजे नै सोही समयमा दशरथ रंगशालामा एपीएफ क्लब र जावलाखेल भिड्ने छन् ।

यता, साँढे ५ बजे दशरथ रंगशालामै हुने अर्को खेलमा फ्रेण्ड्स क्लब र सातदोबाटो युथ क्लबबीच प्रतिस्पर्धा हुनेछ ।