प्रथम बलेफी गाउँपालिका वडाध्यक्ष कप फुटबल उपाधि युथ स्पोर्ट क्लब लामोसाँघुलाई

सिन्धुपाल्चोक । 
बलेफीमा सम्पन्न प्रथम वडा अध्यक्ष कप यू १३ युथ  फुटबल प्रतियोगिताको उपाधि युथ स्पोटस क्लब लामोसाँघुले जितेकोे छ । बलेफी गाउँपालिका वडा नं ८द्धारा आयोजित प्रथम वडा अध्यक्ष कप यू १३ युथ फुटबल प्रतियोगिताको उपाधि युथ स्पोटस क्लब लामोसाँघुले जितेको हो  । 

शनिवार बसन्तपुर खेल मैदानमा भएको फाइनल खेलमा खोर्सानीबारी युथ क्लवलाई हराउँदै युथ स्पोर्ट्सले जीत हाशिल गरेको हो । निर्धारित समयमा खेल १ -१ गोल बराबरी भएपछि ट्राइबेकरमा ५-४ को अन्तरले लामोसाघु विजेता र खोर्सानी बारी उपबिजेता बनेको हो ।

सिन्धुपाल्चोक जिल्ला फुटबल संघको प्राविधिक सहयोगमा आयोजना गरिएको खेलमा प्रथम हुने टिमलाई गाउँपालिका अध्यक्ष गंगा तामाङले पुरस्कार २२ हजार २ सय सहित ट्रफी, मेडल र प्रमाणपत्र वितरण गरेका थिए । यसैगरी द्धितिय हुने समुहले ११ हजार १ सय ११ सहित ट्रफी, मेडल र प्रमाणपत्र प्राप्त गरेका छन ।

बालबालिकालाई खेलकुदमा सक्रिय बनाई खेलाडी उत्पादन गर्ने उद्देश्यले वडाध्यक्ष कप आयोजना गरेको वडाध्यक्ष रमेश कुमार श्रेष्ठले बताए ।