भक्तपुरमा महिला मृत फेला

काठमाडौं । खुट्टा बाँधिएको अवस्थामा भक्तपुरमा महिला मृत फेला परेकी छिन् । भक्तपुर नगरपालिका–३ दरबारस्क्वायर इछुगल्ली बस्ने ४९ वर्षीया विष्णुकुमारी त्वयना घरमै मृत फेला परेकाे जिल्ला प्रहरी परिसर भक्तपुरले जनाएको छ ।

घरको चौथो तलामा एक्लै बस्दै आएकी विष्णुकुमारी कपडाले दुवै खुट्टा बाँधिएको अवस्थामा मृत फेला परेकाे परिसरका प्रहरी नायब उपरीक्षक एवम् सूचना अधिकारी ढुण्डीराज नेउपानेले जानकारी दिए  ।

घटनास्थलमा जिल्ला प्रहरी परिसरबाट अनुसन्धान अधिकृतसहितको प्रहरी टोली, केनाइनबाट कुकुरसहितको प्रहरी टोली र अपराध शाखा भक्तपुरबाट प्रहरी टोली खटिएको थियो । संयुक्त प्रहरी टोलीले घटनाको प्रारम्भिक अनुसन्धान गरी शव पोस्टमार्टमका लागि काठमाडाैं मेडिकल कलेज भक्तपुर पठाएको छ ।