सिनामंगलको एक होटलमा युवक-युवती मृत फेला

काठमाडौं ।  सिनामंगलको एक होटलमा युवा–युवती झुण्डिएको अवस्थामा मृत फेला परेका छन् ।

शनिबार साँझ सिनामंगलस्थित होटल जन्मभूमिमा आएका युवायुवती होटलको कौसीमा सलको पासो लगाएर झुण्डिएको अवस्थामा मृत भेटिएको जनाइएको छ ।

जिल्ला प्रहरी परिसर काठमाडौंका एसपी तथा प्रवक्ता नवराज अधिकारीका अनुसार झुण्डिएको अवस्थामा उनीहरु मृत रहेको भन्ने जानकारी आएको छ ।प्रहरी टोली घटनास्थलमा भर्खर पुगकाले थप विवरण आउन बाँकी रहेको उनले बताए ।