झ्यालमा बाँधिएको अवस्थामा अस्पतालका कर्मचारी मृत फेला

काठमाडौं । सप्तरीको राजविराजस्थित जिल्ला खेलकुद विकास समिति भवनको झ्यालमा बाँधिएको अवस्थामा एक कर्मचारी मृत फेला परेका छन् ।

राजविराजकै गजेन्द्र नारायण सिंह सगरमाथा अस्पतालमा कार्यरत अन्दाजी ४० वर्षीय सुधीर कुमार झा झ्यालमा बाँधिएको अवस्थामा मृत भेटिएका हुन् । छिन्नमस्ता गाउँपालिका ५ गोविन्दपुर घर भएका झा अस्पतालको टिकट काउन्टरमा कार्यरत थिए ।

उनी कार्यरत अस्पताल र घटनास्थल करिब एक किलोमिटर दुरीमा पर्छ । झ्यालमा बाँधिएको झाको दुवै खुट्टा भुईँमा देखिएकाले घटना शङ्कास्पद देखिएको छ ।सप्तरीका प्रहरी प्रमुख एसपी ढकेन्द्र खतिवडाले अस्पतालका कर्मचारी झा झुन्डिएको अवस्थामा मृत फेला परेको बताए । उनले घटना शङ्कास्पद रहेको र थप अनुसन्धान भइरहेको बताए ।