वीरगञ्जको कर्फ्यू चार घन्टाका लागि हटाइयो

पर्साः वीरगञ्जमा लगाएको कर्फ्यू मंगलबार चार घन्टाका लागि हटाएको छ । कर्फ्यू बिहान नौ बजेदेखि दिउँसो एक बजेसम्मका लागि हटाइएको हो । दैनिक प्रयोजनका सामान खरिदबिक्री गर्न तथा जनजीवन विस्तारै सामान्य बनाउन कर्फ्यूको समय घटाइएको जिल्ला प्रशासन कार्यालय पर्साले जनाएको छ । यसअघि आइतबार र सोमबार बिहान १० बजेदेखि १२ बजेसम्म दुई घन्टाका लागि कर्फ्यू हटाइएको थियो ।