बिग ब्यासमा चम्किए सन्दिप, फेरी लिए तीन विकेट

 

 

 

  काठमाडौं । अस्ट्रेलियामा जारी बिग ब्यास लिगमा मेलबर्न स्टार्सबाट खेलिरहेका सन्दिपले आफ्नो दोस्रो खेलमा तीन विकेट लिएका छन्। नेपालका लिग स्पेनर सन्दिप लामिछानेले पहिलो खेलमा दुई विकेट लिएका थिए। सन्दिपले राम्रो प्रदर्शन गरिरहेको भएपनि उनको टीमले भने खेल जित्न सकिरहेको छैन। सोमबार होबर्ट हुरिकेन्सविरुद्धको खेलमा उनले तीन विकेट लिएका हुन्। चार ओभर बलिङ गरेका उनले जम्मा २४ रन मात्रै खर्चिए। मेलबर्नले दिएको १ सय ५६ रनको लक्ष्य होबर्टले ४ विकेट गुमाएर ८ बल बाँकी छँदै भेट्याएको छ। सन्दिपले पहिलो खेलमा सिड्नी थन्डर्सविरुद्ध पनि दुई विकेट लिएका थिए। सन्दिपले दोस्रो खेलमा पनि गतिलो प्रदर्शन गरेका हुन्। तर उनको टीमले भने समग्रमा गतिलो प्रदर्शन गर्न सकेको छैन।