गजुरीबाट ४ केजी सुनसहित चार जना पक्राउ

 काठमाडौं। धादिङको गजुरीबाट ४ केजी सुनसहित चार जना युवा पक्राउ परेका छन् । तीन नम्बर प्रदेश प्रहरी कार्यलयबाट खटिएको प्रहरीको बिशेष टोलीले रसुवाका बर्ष २७ का सन्जिप वाइबा,नुवाकोटका बर्ष २२ का सुरेन्द्र तामाङ , नुवाकोटकै र २४ बर्षका बिकास तामाङलाई ४ केजी सुन सहित गजुरीबाट पक्राउ गरेको हो ।

 बा ८७प ७७३१ र प्रदेश ३ - ०२-०० ३प २५४० नम्बरका दुई वटा मोटरसाइकालमा सुन बोकेर काठमाडौंबाट चितवनतर्फ जादै गरेको सुचनाको आधारमा प्रहरीले उनीहरुलाई गजुरीबाट पक्राउ गरेको जनाएको छ ।

 सुन कहाँबाट ल्याइएको हो र वास्तविक सुनका मालिक को हुने भन्ने बारेमा अनुसन्धान भइरहेको प्रहरीले जनाएको छ । प्रहरीका अनुसार पक्राउ परेका चारै जनाले वास्तविक सुन तस्करको बारेमा बयान दिन इन्कार गरेका छन् ।