आहा रारा गोल्डकपः दाउफिन्ससँग विभागीय टोली नेपाल पुलिस भिड्ने

  काठमाडौं । कास्कीको पोखरामा जारी आहा रारा गोल्डकप फुटबल प्रतियोगिताको अन्तिम क्वार्टरफाइनलमा नेपाल पुलिस र दाउफिन्स क्यामरुन क्लबबीच प्रतिस्पर्धा हुँदैछ।

पोखरा रंगशालामा मंगलबार दिउँसो २ बजे हुने खेलमा दाउफिन्ससँग विभागीय टोली नेपाल पुलिस भिड्ने भएको हो। दुवै टिम बाई पाएर क्वार्टरफाइनल पुगेका हुन्।

नेपालमा भएका पछिल्ला प्रतियोगितामा दाउफिन्सले लगातार उपाधि जितेको छ। यसअघि सोमबार भएको खेलमा भारतको सिक्किम युनाइटेडलाई हराउँदै थ्रीस्टार क्लबले आहारारा गोल्डकपको सेमिफाइनलमा स्थान सुरक्षित गरेको थियो।