एक रुपैयाँ घट्यो पेट्रोलको मूल्य

   काठमाडौं । नेपाल आयल निगमले आज राती १२ बजेदेखि लागू हुनेगरी पेट्रोलको मूल्य घटाएको छ । भारतीय आयल निगम (आईओसी) ले पठाएको नयाँ मूल्य सूची अनुसार पेट्रोलमा १ रुपैयाँ घटेको छ भने अन्य पेट्रोलियम पदार्थको मूल्य यथावत रहेको निगमले जनाएको छ ।

नयाँ मूल्य समायोजन पश्चात् पेट्रोलको खुद्रा बिक्री मूल्य १ सय १० रुपैयाँ भएको छ । निगमले डिजेल, मट्टितेल, हवाई इन्धन, खाना पकाउने एलपी ग्यासको मूल्य भने यथावत् राखेको छ ।