महिला बास्केटबलको उपाधि पुलिसको पोल्टाको

  काठमाडौं । क्विक्स महिला बास्केटबल लिगको उपाधि नेपाल पुलिसले जितेको छ। पहिलोपटक आयोजना भएको महिला बास्केटबलको उपाधि पुलिसले जितेको हो ।

शनिबार काठमाडौंको त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको फाइनलमा भाटभटेनी समृद्धि गोरिल्लासलाई पराजित गर्दै उपाधि हात पारेको हो।

पहिलो क्वाटरमा गुरिल्लासले १२–८ को अग्रता बनाएको थियो। त्यसपछि भने पुलिसले खेलमा पुनरामगन गर्दै उत्कृष्ट प्रदर्शन गर्‍यो । पुलिसले दोस्रो क्वाटरमा १९–१७ ले आफ्नो पक्षमा पार्दा स्कोर अन्तर २९–२७ बनाएको थियो।

तेस्रो क्वाटरमा २२–१३ को अग्रता बनाउँदे ४९–४२ को अग्रता लियो। चौथो तथा अन्तिम क्वाटमा पनि पुलिसले १६–१० को अग्रता बनाउँदै ६५–५२ ले खेल जित्यो।

लिग चरणमा गोरिल्लाजले पुलिसलाई २ वटै खेलमा हराएको थियो। प्ले फर डिप्राइभ्ड चिल्ड्रेन नेपालले पहिलोपटक आयोजना गरेको महिला लिगमा ४ टोलीले प्रतिस्पर्धा गरेको थियो।