एक किलो सुनसहित नागढुंगाबाट पेम्वा पक्राउ

   काठमाडौं । महानगरीय प्रहरी वृत्त थानकोटले नागढुंगाबाट एक किलो सुनसहित एक जनालाई पक्राउ गरेको छ । प्रहरीले एक किलो सुनसहित रसुवा गोसाइँकुण्ड–५ का पेम्बा ढुण्डुप तामाङलाई पक्राउ गरेको हो ।

बा९०प २७३६ नम्बरको एनएक्स मोटरसाइकलमा रसुवाबाट काठमाडौं आउँदै गर्दा उनी पक्राउ परेका हुन् । शंका लागेर जाँच गर्दा उनको साथबाट एक किलो सुन बरामद भएको प्रहरीले जानकारी जनाएको छ ।

प्रहरीले तामाङले पेटी लगाउने स्थानमा कालोटेपले बेरेर राखेको अवस्थामा ४ वटा सुनका टुक्रा फेला पारेको जानकारी दिएको छ। उनी चढेको मोटसाइकल समेत नियन्त्रणमा लिएको छ।