१२ वर्षीया बालिकामाथि बलात्कार गर्ने १४ वर्षका किशोर पक्राउ

  काठमाडौं । कैलालीको धनगढी उपमहानगरपालिका–४ की १२ वर्षीय बालिका बलात्कार गरेको आरोपमा १४ वर्षीय किशोर पक्राउ परेका हुन् । शनिवार राति ९ बजे ठूली आमाको घरमा लगेर बालिकामाथि बलात्कार गरेको आरोप बालिकाका आफन्तले लगाएका छन् ।

आफन्तले खबर गरेपछि १४ वर्षीय किशोरलाई उत्तरवेहडीबाटै पक्राउ गरिएको जिल्ला प्रहरी कार्यालय कैलालीले जनाएको छ । बालिकाको स्वास्थ्य परीक्षणका लागि सेती प्रादेशिक अस्पताल लगिएको छ ।