एनआरएनए मध्यपूर्वको संयोजकमा प्रविण गुरुङ, उपसंयोजकमा गोर्खाली र अर्याल निर्विरोध

   काठमाडौं । बौद्धस्थित होटल ह्यातमा गैरआवासीय नेपाली संघ (एनआरएनए) नयाँ नेतृत्वका का लागि आज निर्वाचन हुँदै छ ।

अध्यक्षका प्रत्यासी एवम् वर्तमान उपाध्यक्षद्वय कुल आचार्य र कुमार पन्तले गैरआवासीय नेपाली संघको नेतृत्वका समूह नै बनाएर उम्मेदवारी दर्ता गराएका छन् ।

तर, एनआरएनए मध्यपूर्वको संयोजकमा भने सहमति जुटिसकेको छ । संयोजकमा प्रविण गुरुङ र मनोज श्रेष्ठ (गोर्खाली)ले उम्मेदवारी दिए पनि आज उनीहरुबीच सहमति भएसँगै संयोजक र उपसंयोजक दुबै निर्विरोध चयन भएका हुन् ।

योसँगै गुरुङ एनआरएनए मध्यपूर्व संयोजक बनेका छन् भने उपसंयोजकमा गोर्खाली र जोन अर्याल निर्विरोध चयन भएका हुन् ।

यसअघि गोर्खालीले संयोजकमा गुरुङलाई सघाउने निर्णय गर्दै संयोजकबाट आफ्नो उम्मेदवारी फिर्ता लिएका थिए ।

निर्वाचन समितिले तोकेको समयसिमाभित्र मध्यपूर्व संयोजक र उपसंयोजकमा तीन जना बाहेक अन्य कसैको पनि दावि विरोध नभएपछि गुरुङ, गोर्खाली र अर्याल निर्विरोध चयन भएका हुन् ।

निर्विरोध चयन भएका गुरुङले सहमतिका साथ अगाडि बढ्दा एकातिर उम्मेदवार र सदस्यहरुमा समेत ‘पोजेटिभ म्यासेज’ जाने र अर्कोतिर काम गर्न पनि सहज हुने विश्वास व्यक्त गरे ।

नवनिर्वाचित संयोजक गुरुङले माइन्यूज नेपालसँग कुरा गर्दै मध्यपूर्वक्षेत्रमा व्यवसायीक एकतासँगै हितकारी योजनाहरु लिएर आउने प्रतिक्रिया दिए । उनले मध्यपूर्वक्षेत्रमा बढ्दै गएको ब्लड मनी, कैद जीवन विताइरहेका जस्ता अनेकौं जटिल समस्यालाई हल गर्न नेपाल सरकार, सम्बन्धित देश र दूताबासमार्फत पहल गरी समस्याको समाधान गर्न पनि अफू क्रियाशिल भएर लाग्ने प्रतिवद्धता जनाए । 

बाँकी अन्य पदमा भने निर्वाचन हुने भएको छ ।