बार्सिलोनाको संघर्षपूर्ण जीत, रियल पनि विजयी

  काठमाडौं । स्पेनी ला लिगको शीर्ष स्थानमा रहेका बार्सिलोना र रियल म्याड्रिड दुवैले शनिबार जित निकालेका छन् ।

शिर्ष स्थानमा बार्सिलोनाले अन्तिम स्थानमा रहेको लेगानेसमा २–१ को संघर्षपूर्ण जीत निकालेको हो । एक गोलले पछि रहेको स्थितिमा बार्सिलोनाका लागि लुइस स्वारेज र अरटुरो भिडालले गोल गरे ।

यता, रियलले भने रियल सोसिडाडलाई ३–१ ले पराजित गर्न सफल रह्यो । रियलका लागि करिम बेन्जेमा, फेडरिको भाल्भेरडे र लुका मोडरिचले गोल गरे । रियल पनि एक गोलले पछाडि रहेको स्थितिबाट खेलमा फर्केको हो ।

खेलपछि बार्सिलोना र रियल दुवैको समान २८ अंक छ ।