ट्राभल एजेन्सी र गेष्ट हाउसका सञ्चालक रिवल्बरसहित पक्राउ

  काठमाडौं । महानगरीय प्रहरी परिसर काठमाडौंले रिभल्बरसहित दुई जनालाई पक्राउ गरेको छ ।

परिसरको टोलीले आज काठमाडौंको गौशालाबाट धनुषाका २५ वर्षीय धर्वेन्द्र पासवान र सिरहाका ४१ वर्षीय विष्णुकुमार साहलाई पक्राउ गरेको हो ।

महानगरीय प्रहरी परिसर काठमाडौंका प्रवक्ता डीएसपी होविन्द्र बोगटीका अनुसार गौशालास्ठित होटल महाराजा अगाडि पार्किङ गरेर राखिएको बा१५च ७५३६ नम्बरको कार चेकजाँच गर्दा रिभल्वर फेला परेको हो ।

प्रहरीले रिभल्बरसहित ६ वटा गोली पनि फेला परेको छ। उनीहरुले हतियार गाडीको सिटको पछाडि रहेको खल्तीमा लुकाएर राखेको अवस्था प्रहरीले बरामद गरेको हो।

बोगटीका अनुसार पासवान काठमाडौंमा रहेका अश्लेषा एण्ड अनुषा ट्राभल्सका संचालक हुन् भने साहा शिवा गेष्ट हाउसका संचालक हुन् ।