४ जिल्लाका सीडीओ फेरिए

   काठमाडौं । गृह मन्त्रालयले चार जिल्लाका प्रमुख जिल्ला अधिकारी (सीडीओ) परिवर्तन गरेको छ ।

आइतबार मन्त्रिस्तरीय निर्णय गर्दै गृहले ४ जिल्लाका सीडीओ र कारागार व्यवस्थापन विभागका निर्देशक र प्रमुख अध्यागमन अधिकृतको सरुवा गरेको हो ।

गृह मन्त्रालयका अनुसार, कपिलवस्तुका प्रमुख जिल्ला अधिकारी गजेन्द्रबहादुर श्रेष्ठलाई कारागार व्यवस्थापन विभागमा तानेर उनको स्थानमा सहसचिव वासुदेव घिमिरेलाई पठाइएको छ ।

त्यसैगरी त्रिभुवन अन्तर्राष्ट्रिय विमानस्थलमा कार्यरत दीर्घनारायण पौडेललाई गृहले कपिलवस्तुको प्रमुख जिल्ला अधिकारीको भूमिका दिएको छ भने उनको स्थानमा जिल्ला प्रशासन कार्यालय, रौतहटको कायममुकायम प्रमुख जिल्ला अधिकारीको जिम्मेवारीमा रहेका किरण थापालाई ल्याइएको छ ।

गृहमा कार्यरत उपसचिव रमा आचार्यले सोलुखुम्बुको प्रमुख जिल्ला अधिकारी बनेकी छन् भने त्यहाँ कार्यरत वेदनिधि खनाललाई सहायक सीडीओ बनाएर रूपन्देही सरुवा गरिएको गृह मन्त्रालयले जनाएको छ ।