तालिवानी विद्रोहीको आक्रमणमा परी १२ सैनिक र एक प्रहरीको मृत्यु

तालिवानी विद्रोहीको आक्रमणमा परी अफगानिस्तानको उत्तरी प्रान्त कुन्दुजमा कम्तीमा १२ सैनिक र एक प्रहरीको मृत्यु भएको छ । ‘बुधबार बिहान भएको आक्रमणमा तालिवान लडाकूले साना र ठूला हतियारको प्रयोग गरी आर्ची जिल्लाको सदरमुकाममा आक्रमण गरेका थिए । आक्रमणमा परी १२ सैनिक र एक प्रहरीको घटनास्थलमा नै मृत्यु भएको प्रान्तीय परिषद्का सफिउल्लाह अमिरीले एरिआना न्यूज टेलिभिजनले बताएका छन ।

घटनामा आठ सैनिक र चार प्रहरी घाइते भएका छन । उनिहरुलाई उपचारका लागि पठाइएको छ । उक्त घटनामा १५ तालिवानी विद्रोहीको मृत्यु भएको र पाँच लडाकू घाइते भएका बताईएको छ। भिडन्त करिब चार घण्टासम्म भएको थियो।