प्रहरी कार्यालयको क्यान्टिनमा हवल्दार पत्नीको शव, हत्या कि आत्महत्या ?

susite 

बर्दिया । जिल्ला प्रहरी कार्यालय बर्दियाको क्यान्टेनमै एक जना महिलाको शव भेटिएको छ। बिहीबार राति करिब १ बजेतिर जाजरकोटकी ३० वर्षीया कल्पना सिंह श्रेष्ठको शव जिल्ला प्रहरी कार्यालयको क्यान्टिनभित्र झुण्डिएको अवस्थामा भेटिएको हो ।

कल्पना जाजरकोट घर भइ जिल्ला प्रहरी कार्यालय बर्दियामा कार्यरत प्रहरी हवल्दार राजुसिंह ठकुरीकी श्रीमती रहेको पुष्टि भएको छ । कल्पनाको क्यान्टिनमा झुण्डिएको अवस्थामा शव फेला परेकाले हत्या वा आत्महत्या के हो भन्ने बारेमा अनुसन्धान गरिरहेको जिल्ला प्रहरी कार्यालयका प्रमुख, प्रहरी उपरीक्षक जनक भट्टराईले जानकारी दिए । मृतक कल्पना सोही क्यान्टिनमा काम गर्ने गरेको बुझिएको छ ।

श्रेष्ठको शव परीक्षणका लागि जिल्ला अस्पताल गुलरियामा लगिएको र घटना बारे सोधपुछ भइरहेको प्रहरीले जनाएको छ ।राजुसिंहले श्रीमती कल्पनालाई पहिले पनि बेलाबेलामा घरेलु हिंसा गर्ने गरेका कारण आत्महत्या वा हत्या के हो भन्ने बारेमा अनुसन्धान भइरहेको प्रहरीले जनाएको छ । प्रहरी कार्यालयमै भएको यस्तो घटना रहस्यमय भएको र शान्ति सुरक्षामा पनि आशंका उब्जन सक्ने देखिएको छ । – रासस

Comments

Top