सन्नी लियोनले खोलिन् पतिसँगको पहिलो भेटको रहस्य !

मुम्बई । बलिउड नायिका सन्नी लियोनले आफ्ना पतिसँगको पहिलो भेटको रहस्य खोलेकी छिन् । सन्नीले आफ्ना पति डेनियल वेबरले आफूलाई पहिलो भेटमा समलिंगी ठानेको रहस्य खोलेकी हुन् ।

सन् २०११ मा डेनियलसँग वैवाहिक बन्धनमा बाँधिएकी सन्नीको पहिलो भेट आफू लस भेगासमा बस्दा भएको बताइन् । सन्नी त्यतिबेला आफ्नी केटी साथीसँग बस्ने गरेको पनि बताइन् । त्यतिबेला आफ्नो पहिरन केटा मानिसको जस्तो भएका कारण डेनियलले समलिंगी ठानेको बताइन् ।

क्यानडामा जन्मिएकी सन्नीको जीवन धेरै उतारचढाव छ । उनले आफ्नो करियर एडल्ट नायिकाका रुपमा सुरु गरेकी थिइन् । उनले आफूले यस किसिमको चलचित्रमा काम गर्दा फ्यानहरु खुशी रहेको बताइन् । उनले हाल भारतीय चलचित्र उद्योगमा स्थापित नायिकाको रुपमा काम गर्दै आएकी छिन् ।