नृत्य निर्देशक संघको सल्लाहकार चयन

काठमाडौं । नृत्य निर्देशक संघ काठमाडौं शाखाले केही वरिष्ठ नृत्य निर्देशकलाई सल्लाहकारमा मनोनयन गरेको छ । शनिबार काठमाडौंमा आयोजित शुभकामना आदानप्रदान कार्यक्रममा संघको सल्लाहकार सदस्यहरूको घोषणा गरिएको हो ।

संघले वरिष्ठ नृत्य निर्देशकहरू प्रेम लोप्चन, कमल राई, खेलबहादुर लामा, केपी पौडेल, वीरबहादुर लामा, धनबहादुर लामा, रोचक थापा रामजी र अरुण घिमिरेलाई सल्लाहकार सदस्यमा मनोनयन गरेको हो ।

कार्यक्रममा प्रमुख अतिथि तिर्थबहादुर लामाले जिन्दगीको अमूल्य क्षण व्यतीत गरेका नृत्यका अग्रजहरूले नै आ–आङ्खनो नृत्यमा मौलिकता जोगाएका बताएका छन् । उनले भने, ‘लोकतान्त्रिक पद्दतिमा नै हाम्रो संस्कृति संरक्षण हुने हो । हाम्रो स्वतन्त्रपूर्वक हक संरक्षण हुनेछ । यस क्षेत्रका नक्षत्रलाई राज्यले व्यवस्थित गर्नुपर्ने जरुरत रहेको छ ।’

यसैगरी केन्द्रीय अध्यक्ष भुवनदास श्रेष्ठले ‘राष्ट्रिय नृत्य दिवस २०७८’ मा घोषणा गर्ने तयारीमा लागिरहेको जानकारी दिएका छन् । वरिष्ठ लोक नृत्य निर्देशक खेलबहादुर लामाले जति नृत्य गरे पनि मौलिक प्रस्तुतिले मात्र उत्कृष्ट बन्ने धारणा राखेका छन् । नया“ शैलीको नाममा गरिने अस्वभाविक नृत्य ‘पानीको फोका’ मात्रै हुने उनको भनाइ छ ।
वरिष्ठ नृत्य निर्देशक एवं अनुसन्धाता केपी पौडेलले नागेश्वरीका अंश मानवदेखि विभिन्न मण्डलले बोकेका बताए । उनले भने, ‘राज्यले सम्बन्धित क्षेत्रमा नियुक्ति गरेको छैन । नृत्य क्षेत्रमा पनि त्यस्तै भएको छ ।’

यसैगरी वरिष्ठ नृत्य निर्देशक एवं सेलो गायक प्रेम लोप्चनले विश्वले हेरिरहेको बेलामा हाम्रो नृत्यलाई मेहनतका साथ व्यवस्थित गर्दै लैजानुपर्ने बताए । वरिष्ठ नृत्य निर्देशक कमल राईले चरित्र, स्वभाव, लगाव र चाह बोकेर सैद्धान्तिक रूपमा अघि बढेमात्रै आङ्खनो पहिचान देखाउन सकिने धारणा राखेका छन् ।

शाखा अध्यक्ष बुद्ध तितुङ लामाको सभाध्यक्षतामा भएको उक्त कार्यक्रममा केही नृत्य सिकाउने व्यक्तिहरूलाई सदस्यता वितरण गरिएको थियो ।