८८८ करोड कमाउँदै पठानले बनायो बलिउडमा नयाँ रेकर्ड

मुम्बई – गत जनवरी २५ मा रिलिज भएको बलिउड सिनेमा पठानले छोटो समयमा सर्वाधिक कमाउने फिल्मको रेकर्ड राखेको छ।

शाहरुख खान अभिनीत पठानले हालसम्म ८८८ करोड कमाएर बलिउड सिनेमा सबैभन्दा तीव्र गतिमा कमाउने फिल्मको रेकर्ड बनाएको एशराज फिल्मसले जनाएको छ।

उक्त फिल्ममा शाहरुखका साथमा दिपिका पादुकोण, जोन अब्राहम लगायतको भूमिका रहेको छ। उक्त फिल्मलाई समीक्षकहरूले ४।५ स्टारसम्म दिँदै ब्ल्कबस्टर सिनेमा भनेका छन्। बाइकट बलिउडविरुद्ध लडेर पठानले खस्किँदै गएको भनिएको बलिउडलाई धेरे ठुलो उद्धार गरेको उनीहरूको भनाई छ। पछिल्लो समयमा बलिउडमासमेत दक्षिण भारतीय फिल्महरूले राज गरेको २०२२ लाई शाहरुखको पठानले ऊर्जा दिएको समीक्षकहरूले टिप्पणी गर्दै आएका छन्।