नायिका निशाको सीके राउतसँग यो कस्तो कनेन्सन ?

काठमाडौं। नेपाली फिल्म खेलेर चर्चा कमाएकी नायिका निशा अधिकारीको कनेक्सन देश टुक्र्याउने अभियानमा जुटेका सीके राउतसँग रहेको खुलासा भएको छ । निशाले मंगलबार सीके राउतसँग भेट गरेर तराईलाई नेपालबाट टुक्र्याउने विषयमा गम्भीर वार्ता गरेको स्रोतले जनाएको छ ।अमेरिकामा बसेर फिल्मसम्बन्धी अध्ययन गरेकी निशाले सीके राउतलाई किन भेटिन् भनेर चर्चा हुन थालेको छ ।

  स्वतन्त्र मधेस गठबन्धनका संयोजक सीके राउतलाई निशाले मंगलबार जनकपुरस्थित निवासमा गएर भेटेकी थिइन् ।सीके राउतसँगै मधेसी युथ थिङ्क ट्याङ्कका अध्यक्ष डा.विनय पञ्जियार, अभिनेता कर्मा, सामाजिक अभियानता इशान र प्रशान्त झाले गोप्य भेटवार्ता गरेका थिए ।

  डा. पञ्जियारले कलाकारसहितको टोलीले सीके राउतलाई भेट गरेको स्वीकार गरेका छन् ।‘सीके राउतसँग उहाँकै निवास जनकपुरमा गएर हामीले भेटेका हौँ । भेटको सबै चाँजोपाँजो मैले मिलाएको हुँ’, पञ्जियारले भने–‘भेटमा धेरै कुरा भएन । मधेसीका अधिकारका विषयमा कुराकानी भएको हो ।’भेटमा यो टोलीले सीके राउत मधेसलाई मात्र हैन कि देशलाई नै खाँचो रहेको बताएका थिए ।

  सीके राउतले पनि सबैलाई अहिंसाको मार्गमा हिँड्न प्रेरणा दिएको जानकारी डा। पञ्जियारले दिए,यूनाइटेड पोष्ट साप्ताहिकमा समाचार छ ।  ‘राज्यसँगको लडाइँका लागि सबै एकजुट भएर लड्नु पर्छ’, सीके राउतको भनाइ उदृत गर्दै डा.पञ्जियारले बताए ।