अनिता मिलन एकेडेमीका विद्यार्थीहरूले अवलोकन गरे चन्द्रागिरी थ्री डी म्युजियम

काठमाडौ । 

अनिता मिलन एकेडेमीका शिक्षक तथा विद्यार्थीहरुले चन्द्रागिरी थ्री डी म्युजियमको अवलोकन भ्रमण गरेका छन् ।  एकेडेमीका शिक्षक तथा विद्यार्थीहरूले चन्द्रागिरी नगरपालिकामा रहेको चन्द्रागिरी थ्री डी आर्ट म्युजियमको शुक्रबार शैक्षिक भ्रमण गरेका हुन् । 

विद्यालयका शिक्षक  शिशिर अधिकारीको नेतृत्वमा गएको शिक्षक तथा विद्यार्थीहरूको समूहले म्युजियममा भ्रमण गरेको हो ।

अवलोकन पश्चात् शिक्षक अधिकारीले  म्युजियममा विद्यार्थीहरूले निकै रमाइलो गरेको बताए । उनले थ्री डी आर्टमा डुब्न पाउँदा निकै नै रमाइलो र उत्साहित बन्ने अवसर पाएको समेत सुनाए ।  

भ्रमण टोलीमा शिक्षकहरू अधिकारी, पूजा अधिकारी, सुमित्रा दहाल, हरिशमणि जोशी, सरिता सेञ्चुरी लगायत सहभागी थिए ।