नेफ्टा अवार्ड कतारमा हुने

काठमाडौँः नेपाली चलचित्र प्रविधि सङ्घको आयोजनामा नेफ्टा अवार्ड–२०७२ कतारमा हुने भएको छ । नेफ्टा अवार्डको प्रतिस्पर्धामा ७५ वटा चलचित्रको सहभागिता रहने भएको छ । हाल काठमाडौँमा जुरी निर्णायकहरुले उत्कृष्ट पाँच चलचित्र छनोट गरिरहेको बताइएको छ । ती चलचित्रलाई कतारमा फिल्मी महोत्सवका रुपमा प्रदर्शन गर्ने आयोजकले बताएको छ । विसं २०५६ बाट सुरु गरिएको अवार्डको पाचौ संस्करणसम्म नेपालमै आयोजना गरिएको थियो । नेफ्टाले पछिल्ला केही वर्षयता अन्तर्राष्ट्रियस्तरमा नेपाली चलचित्रको स्तरोन्नति गर्न टेवा पु¥याउन मलेसिया, हङ्कङ हुँदै यसवर्ष कतारमा प्रवेश छ ।