सैनिक मुख्यालयमा सुरक्षा वस्तुस्थितिको विश्लेषण

काठमाडौँ। देशको सुरक्षा स्थितिको समीक्षा, सुरक्षा व्यवस्थालाई थप सुदृढ तुल्याउन अपनाउनुपर्ने रणनीतिलगायत विषयमा छलफल गर्न नेपाली सेनाको मुख्यालयमा आज पृतनापति समन्वयात्मक बैठक सम्पन्न भएको छ । नेपाली सेनाको नीतिनिर्माणमा ठोस योगदान पु-याउन थप सहयोग प्राप्तिमा बैठक केन्द्रित थियो ।

 बैठकमा नेपाली सेनाका विभागीय प्रमुखले सुरक्षा वस्तुस्थितिको विश्लेषण र समीक्षा प्रस्तुत गरेका थिए । प्रधानसेनापति राजेन्द्र क्षत्रीले पेशागत दक्षतालाई थप अभिवृद्धि गर्न तालिम तथा बन्दोबस्तीमा विशेष ध्यान केन्द्रित गर्न निर्देशन दिएका थिए ।

 बैठकमा रक्षासचिव विनोद केसी, बलाध्यक्ष रथी, सबै पृतनापतिलगायत जंगी अड्डाका कार्यालय, विभाग, महानिर्देशनालय र निर्देशनालयका प्रमुख तथा काठमाडौँ उपत्यकाभित्र रहेका बाहिनी अड्डाका बाहिनीपतिको उपस्थिति थियो ।