रोहित शेट्टी सँग काम गर्दै सलमान खान, ?

 

 

  काठमाडौं । पछिल्लो समयमा रिलीज भएको 'सिम्बा' ब्लकबस्टर साबित भयो ।देशमा मात्र होईन विश्वमा फिल्मले शानदार कमाई गरयो । यो सँग सँगै बलिउडका दबंग मानीने सलमान खानको फिल्मको प्रतिक्षा प्रशंसकमा सँधै रहने गर्दछ । सलमानले चर्चित निर्देशक रोहित शेट्टीसँग एक प्रोजेक्टमा काम गर्न लागेको खबर बाहिरिएको छ ।

सुत्रका अनुसार, रोहित शेट्टी र साजिद नाडियाडवाला, सलमानलाई लिएर फिल्म बनाउने र फिल्मको कन्टेन्टमा विचार गर्न कयौं पटक मिलिसकेका छन् । जुन आइडियामा दुई कुरा गरिरहेका छन् त्यसमध्ये फिल्म 'किक' मा सलमानले निभाएको देवी लाल सिंह 'डेविल' को रोल दिमागमा चलिरहेको छ ।

प्लान अनुसार चल्ने सलमान, रोहितको फिल्ममा एक पुलिस अफिसरको भूमिकामा देखिने छन् । २०१० मा रिलिज भएको 'दबंग' मा पनि सलमान पुलिस अवतारमा प्रस्तुत भएका थिए । यस वर्षको अन्त्यसम्ममा रोहित शेट्टीसँग सलमान नयाँ प्रोजेक्टमा काम गर्न सक्नेछन् । अहिले भने सलमान खान अली अब्बास जफर को निर्देशनमा बनेको फिल्म 'भारत'को काममा ब्यस्त छन् ।